Ҳиндистонда аргентиналик футболчи Лионель Мессининг 21 метрли ҳайкали намойиш этилди. Бу ҳақда Оле нашри хабар берди.
Ҳайкалнинг расмий тақдимоти Калкуттадаги 70 минг томошабинга мўлжалланган “Солт-Лейк” стадионида ўтказилади. Кейинчалик ҳайкал Диего Марадона шарафига ўрнатилган ёдгорлик ёнига жойлаштирилади.
Месси хавфсизлик нуқтайи назаридан очилиш маросимини видеоалоқа орқали кузатади.
Малумот учун, Лионель Месси шарафига дунёдаги энг катта деб ҳисобланган 21 метрли темир ҳайкал Калкуттанинг Жанубий Дум-Дум шаҳрида жойлашган ва ҳайкалда Месси қўлида Жаҳон чемпионати кубогини ушлаб турган ҳолда тасвирланган. Ғарбий Бенгал вазири Сужит Босега кўра, ҳайкал атиги 40 кун ичида қуриб битказилган.
