Жорий йилнинг ноябрь ойида бўлиб ўтган халқаро танаффусдан сўнг FIFA рейтинги янгиланди. Миср ва Эронга қарши ўйиндаги ғалабадан кейин Ўзбекистон терма жамоаси рейтингда 5 поғона юқорилади.
Янгиланган рейтингга кўра, Ўзбекистон миллий терма жамоаси аввалги ўрнидан 5 поғона юқорилаб, 50-ўриндан жой олган. Шунингдек, миллий терма жамоа Осиё жамоалари орасида 5-ўринни банд этган. Ўзбекистондан юқорида, Австралия (26), Жанубий Корея (22), Эрон (20) ва Япония (18) миллий терма жамоалари ўрин олган. Ҳозирда Ўзбекистон МТЖ рейтингда 1462.03 очко жамғарган.
Рейтингда Испания терма жамоаси 1-ўринни, Аргентина терма жамоаси 2-ўринни, Дидье Дешам шогирдлари 3-ўринни сақлаб қолган.
