FIFA президенти Жанни Инфантино Қатарда ўтаётган У–17 жаҳон чемпионатида 1/8 финалга йўл олган жамоаларни табриклади. Бу ҳақда Ўзбекистон футбол ассоциацияси матбуот хизмати хабар берди.
“2025-йилги У–17 Жаҳон чемпионатида ушбу босқичга етиб келган барча жамоаларни муборакбод этаман. Турнир давомида ёш футболчилар юқори маҳорат ва етуклик кўрсатди. Энди эса ҳар бир эпизод ҳал қилувчи аҳамият касб этадиган босқич бошланади.
Барча жамоаларга омад тилайман! Ушбу синовдан завқ олинг ва дунё бўйлаб мухлисларни илҳомлантиришда давом этинг”, деди Инфантино.
Маълумот учун, Исломбек Исмоилов бошчилигидаги Ўзбекистон U-17 терма жамоаси нимчорак финал босқичида Италияга қарши майдонга тушади. Учрашув 18 ноябрь, сешанба куни Тошкент вақти билан 17:30 да бошланади.
Қатарда ўтаётган 17 ёшгача бўлган футболчилар ўртасидаги Жаҳон чемпионати 3 ноябрда бошланган бўлиб, финал баҳси 28 ноябрь кунига белгиланаган.
