Ўзбекистонда узоқ йиллардан бери фаолият юритаётган таниқли қизиқчи ва сўз устаси Шукурулло Исроилов Тошкент шаҳар маданият бошқармаси бошлиғи ўринбосарлигига тайинланди. Бу ҳақда қизиқчининг администратори маълум қилди.
Шукурулло Исроилов 1970 йил 14 январда Тошкент шаҳрида туғилган. Ўқувчилик йилларида мусиқа мактабининг рубоб йўналишида таҳсил олган. Кейинчалик Тошкент давлат санъат ва маданият институтининг театр факультети ҳамда Шарқшунослик институтининг халқаро факультетини тамомлаган У санъатдаги фаолиятини 1982-йилда бошлаган. Кўп йиллар давомида “Мирзо” қизиқчилар театри билан фаолият юритиб, жамоанинг таниқли вакилларидан бирига айланган.
