Интерпол каналлари орқали халқаро қидирувда бўлган фирибгар Польшадан Ўзбекистонга экстрадиция қилинди. Бу ҳақда Интерполнинг Ўзбекистондаги Миллий марказий бюроси хабар берди.
Маълум қилинишича, у йирик миқдордаги фирибгарлик жиноятини содир этганликда айбланиб, халқаро қидирувда бўлган. Ўзбекистон Польшадаги элчихонаси вакилларининг бевосита кўмагида Тошкент ва Варшава Миллий марказий бюролари ўртасида бўлиб ўтган икки томонлама музокаралар, ҳамда ахборот алмашиш ва ҳамкорликдаги тезкор-қидирув ҳаракатлари натижасида ушбу фуқаронинг трансчегаравий ҳаракатлари аниқланиб, қўлга олинган.
У суд олдида жавоб бериш ва муносиб жазо олиш ҳамда Тошкентга олиб келиш учун Варшава шаҳри аэропортида Ўзбекистон ҳуқуқ-тартибот идоралари ходимларига топширилган.
