Тошкент шаҳрида жойлашган Тарас Шевченко кўчасида кўнгилочар пиво фестивали ўтказилиши муносабати билан мазкур кўчанинг айрим қисмлари 8 июнга қадар ёпилади. Бу ҳақда пойтахт ҳокимлиги матбуот хизмати хабар берди.
Маълум қилинишича, Тарас Шевченко кўчасининг Фидокор кўчаси кесишмасидан Нукус кўчаси кесишмасигача, шунингдек, Саййид Барака кўчасининг Ойбек кўчаси кесишмасидан Амир Темур шоҳ кўчасигача бўлган қисми 4 июнь соат 06:00 дан 8 июнь соат 07:00 гача барча транспорт воситалари ҳаракати учун ёпилган.
Кўрсатилган даврда муқобил йўналишлардан фойдаланиш тавсия этилган.
Эслатиб ўтамиз, ўтган йилнинг 27-29 июнь кунлари Тошкент шаҳрининг Тарас Шевченко кўчасида пиво фестивали ўтказилганди. Аммо ушбу фестиваль ҳақида ҳеч ким изоҳ бермади ва ким томонидан ўтказилгани-ю, ким бунга рухсат бергани ҳам очиқланмади. “Миллий тикланиш” демократик партияси раиси ўринбосари Феруза Муҳаммеджонова пиво фестивали ҳақида танқидий фикр билдирганди. Депутат Алишер Қодиров эса уни ўтказган ва унга рухсат берган шахслар жазоланиши кераклигини айтганди.
