Тошкент шаҳрининг Чилонзор туманидаги Бунёдкор ва Чўпонота кўчалари кесишмасида жойлашган йўл ўтказгичда (кўприкда) жорий таъмирлаш ишлари олиб борилиши режалаштирилган. Бу ҳақда пойтахт матбуот хизамти хабар берди.
Маълум қилинишича, таъмирлаш ишлари муносабати билан “Новза” метро бекатидан “Чилонзор” метро бекати йўналишидаги йўл ўтказгичнинг биринчи бўлаги (полосаси) ҳаракатланиш учун 30 апрелдан 16 майга қадар ёпилади.
Ҳайдовчилардан ушбу вақт оралиғида имкон қадар айланма йўллардан фойдаланишларини ва юзага келиши мумкин бўлган тирбандликларнинг олдини олишлари сўралган.
