Бугун, 7 апрель куни эрталаб Франциянинг Бетюн шаҳридан Ланс шаҳрига қараб ҳаракатланаётган тезюрар поезд ҳарбий юк машинаси билан тўқнашиши оқибатида машинист ҳалок бўлди. Бу ҳақда “Euronews” хабар берди.
Қайд этилишича, тўқнашув оқибатида 2 кишининг аҳволи оғирлашган, яна 27 киши турли даражада жароҳат олган. Маълумотларга кўра, поездда тахминан 350 йўловчи бўлган. Франция Транспорт вазири Филип Табаро ҳодиса жойига Франция миллий темирйўл компанияси (SNCF) бош директори ва собиқ бош вазир Жан Кастекс билан боришини маълум қилган.
Расмийларнинг сўзларига кўра, юк машинаси ҳарбий жиҳозлар ташиётган бўлган. Ҳодисадан сўнг юк машинаси ҳайдовчиси полиция назоратига олинган. SNCF хабарига кўра, Бетюн ва Ланс орасидаги темирйўл қатнови камида бугун, 7 апрель кунининг якунигача тўхтатилган.
