Ўзбекистон Суперлигасининг 5-туридан ўрин олган сўнгги учрашув ўз якунига етди. Турнинг ушбу баҳсида Термизнинг “Сурхон” клуби ўз майдонида “Бухоро” устидан ғалабага эришди.
Термиз шаҳридаги “Сурхон” аренада ўтган ўйин мезбонларнинг устунлиги остида ўтди. Учрашувдаги ҳисоб 6-дақиқада “Сурхон” ҳужумчиси Суннатилла Абдуллажонов томонидан очилди. 9-дақиқада “Сурхон”нинг нигериялик легионери Стефен Чинеду фарқни иккитага оширди.
33-дақиқада Шаҳзод Убайдуллаев “Бухоро”нинг жавоб голига муаллифлик қилди. Бироқ 45+4-дақиқада Чинеду пенальтидан унумли фойдаланиб учрашувга якуний нуқтани қўйди — 3:1. Иккинчи бўлимда жамоалар ҳар қанча ҳаракат қилмасин, ҳисоб ўзгаришсиз қолди.
Ушбу ғалаба эвазига “Сурхон” очколари сонини 7 тага етказиб олди ва турнир жадвалининг 9-поғонасини эгаллаб турибди. Мавсумдаги илк мағлубиятини қабул қилиб олган “Бухоро” эса 5-турдан сўнг 10 очко билан 5-ўринни банд этган.
Ўзбекистон Суперлигаси, 5-тур
“Сурхон” — “Бухоро” 3:1
Голлар: 1:0 — Абдуллажонов (9), 2:0 — Чинеду (9), 2:1 — Убайдуллаев (33), 3:1 — Чинеду (пен, 45+4).
