Махачқаланинг “Динамо” футбол клуби Доғистонда юз берган сув тошқинлари оқибатида талофат кўрганларга ёрдам бериш учун маблағ йиғиш ташаббусини қўллаб-қувватлайди. Бу ҳақда клубнинг Telegram-каналида хабар берилди.
Клуб футболчилари ва ходимлари ўз иш ҳақларининг бир қисмини хайрия фондига ўтказиб беради. Шунингдек, жамоанинг навбатдаги уй учрашувидан тушган барча маблағлар ҳам жабрланганларга ёрдам бериш учун йўналтирилади.
Маълумот учун, Россия Премьер Лигасининг 23-тури доирасидаги “Динамо” — “Балтика” учрашуви 5 апрель куни Каспийскда бўлиб ўтади.
