Бугун, 31 март куни Тошкент шаҳридаги кўп қаватли уйда жойлашган хонадонда ёнғин содир бўлди. Бу ҳақда пойтахт Фавқулодда вазиятлар бош бошқармаси хабар берди.
Қайд этилишича, соат 14:25 да Яшнобод тумани Жарқўрғон кўчасида жойлашган уйларнинг бирида ёнғин содир бўлаётгани тўғрисида шаҳар ФВББга хабар тушган. Шунга кўра, қутқарув бўлинмалари зудлик билан ҳодиса жойига етиб бориб, ёнғин соат 14:35 да ёнғин қуршаб олинган ва 14:41 да ўчирилган.
Билдирилишича, ҳодиса оқибатида тан жароҳати олганлар йўқ. Ҳозирда ёнғин сабаби ва келтирилган моддий зарар миқдори аниқланмоқда.
