Тошкент вилоятининг Ўрта Чирчиқ туманида уч нафар фуқаро ис газидан заҳарланиб вафот этди. Бу ҳақда “Миллар” хабар берди.
Маълум қилинишича, ҳодиса оқибатида уч киши вафот этган. Улардан бири 14 ёшли бола бўлган.
Хонадондан ёрдам сўраб, дод-вой солинганда марҳумларнинг қўшнилари борган. Уларнинг айтишича, зудлик билан тез ёрдамга қўнғироқ қилинган.
Қайд этилишича, вафот этган фуқаролар ушбу уйга атиги уч кун олдин кўчиб келган.
Ҳолат юзасидан терговга қадар текширув ҳаракатлари олиб борилмоқда.
