Исроил бош вазири Биньямин Нетаньяху бутун дунё мамлакатлари раҳбарларига мурожаат қилиб, уларни Эронга қарши Исроил-Америка урушига қўшилишга чақирди. У бу ҳақда Исроил жанубидаги Арад шаҳрига Эрон ракетаси қулаган жойга ташрифи чоғида билдирган.
Далил сифатида Нетаньяху Эроннинг Исроилдаги фуқаролик объектларига зарбалари, Ҳинд океанидаги Диего Гарсия оролида жойлашган Британия-Америка базаси томон 4 минг км масофага қитъалараро ракета учиргани ҳамда Ҳормуз бўғозини қисман тўсиб қўйгани ҳақидаги даъволарни келтирган.
“Бутун дунёга таҳдид солаётган бу режимни тўхтатиш кераклигига яна қандай далиллар керак? Исроил ва Қўшма Штатлар бутун дунё билан биргаликда ҳаракат қилмоқда. Энди бошқа мамлакатлар раҳбарлари ҳам қўшиладиган вақт келди. Уларнинг баъзилари бу йўналишда ҳаракатлана бошлаганини мамнуният билан айтмоқчиман, бироқ бундан ҳам кўпроғи керак”, деди Нетаньяху.
Унинг сўзларига кўра, Эронга қарши кенг халқаро коалиция гўёки “бутун дунё хавфсизлиги учун” зарур.
