Қўшма Штатлар 2026 йилда Украинага Шимолий Атлантика альянсига аъзо бошқа давлатлар арсеналида мавжуд бўлмаган умумий қиймати 12 миллиард доллардан 15 миллиард долларгача бўлган ҳарбий техникани юбориш мажбуриятини олди.
Бу ҳақда НАТО бош котиби Марк Рютте Украинани мудофаа жиҳатидан қўллаб-қувватлаш масалаларини муҳокама қилган гуруҳ йиғилиши якунида маълум қилган.
«Америкалик ҳамкорлар жорий йилда Украинага 12-15 миллиард долларлик муҳим ҳарбий ресурсларни тақдим этишга тайёр эканликларини маълум қилишди. Улар ноёб тизимлар бўлиб, таъминотчи фақат Қўшма Штатлар бўлиши мумкин,» — деди Рютте альянснинг Украина ҳаво мудофаасини кучайтириш имкониятлари ҳақидаги саволга жавобан.
