Президент Шавкат Мирзиёев Озарбайжон Республикаси энергетика вазири Парвиз Шаҳбозовни қабул қилди. Бу ҳақда давлат раҳбари матбуот хизмати хабар берди.
Учрашув аввалида юқори мартабали меҳмон давлат раҳбарига Озарбайжон президенти Илҳом Алиевнинг саломи ва тилакларини етказди. Ўзбекистон–Озарбайжон стратегик шериклиги ва иттифоқчилигини янада кенгайтириш ва чуқурлаштириш масалалари муҳокама қилинди.
Барча даражалардаги алоқалар фаол экани, товар айирбошлаш барқарор ўсаётгани ва энергетика соҳасида муваффақиятли ҳамкорлик қилинаётгани қайд этилди. Нефть ва газ соҳаси, геология-қидирув ишлари, “яшил” энергияни ривожлантириш ҳамда кимё саноатида қўшма лойиҳаларни илгари суриш муҳимлиги таъкидланди.
