Мисрлик аёл бир вақтнинг ўзида тўққиз нафар болага ҳомиладор бўлди. Бу ҳақда “Al-Arabiya” хабар берди.
Қайд этилишича, Мисрда тиббиёт доираларида баҳс уйғотган камдан-кам учрайдиган ҳолат юз берган. Ультратовуш текшируви давомида аёл бир вақтнинг ўзида тўққиз нафар болага ҳомиладор экани аниқланган.
Нашрнинг ёзишича, бундай ноодатий ҳолатга тухумдон фаолиятини рағбатлантирувчи дори воситаларидан фойдаланиш сабаб бўлган бўлиши мумкин. Шунингдек, бундай ҳолат ҳомиладор она ҳамда эмбрионлар учун юқори хавф туғдириши таъкидланган.
Ҳодиса эр-хотин учун ҳам кутилмаган бўлиб, улар ҳомиланинг аҳволини текширтириш жараёни бирданига уларни ҳам, шифокорларни ҳам ҳайратга солган.
Аёллар касалликлари ва туғруқ бўйича мутахассис доктор Воил ал-Банно “Al-Arabiya” ва “Al-Hadath”га берган изоҳида ушбу ҳолат бир неча омиллар уйғунлашгани боис тиббиётда қайд этилган энг ноёб ҳолатлардан бири эканини айтган. Энг муҳим омиллардан бири тиббий назоратсиз ўтказилган тухумдонларни фаоллаштириш.
Гинекологнинг айтишича, замонавий тиббиёт ёрдамида уруғланган тухум ҳужайралари сонини камайтириш мумкин. Бу онанинг саломатлиги учун хавфни камайтиради ва қолган болаларнинг ривожланиши учун шароитни яхшилайди.
