Ўзбекистонга 2026 йил январь-август ойларида жами қиймати 614,44 миллион долларлик 54 826 дона электромобиль импорт қилинди. Божхона қўмитаси келтирган рақамларга кўра, бу кўрсаткич 2025 йил мос даврига (28 920 дона) нисбатан 89,63 фоизга ўсган.
Саккиз ой давомида хориждан олиб келинган ҳар бир электромобилнинг импорт нархи ўртача 11 207 доллардан тўғри келган. Бир йил аввалги ҳисобларда эса электрда ҳаракатланувчи автомобиллар донаси 12 389 доллардан тушган. Яъни четдан харид қилинган электромобиллар сони ортган бўлса-да, нархи йил давомида 1 182 долларга ёки 9,5 фоизга пасайган.
Ойлар кесимида энг кўп электромобиль июль (8 875 та) ва августда (8 076 та) импорт қилинган. Энг кам улуш эса январь (4 548 та) ҳамда февралда (5 152 та) қайд этилган. Қолган ойлардаги кўрсаткичлар қуйидагича:
- март — 6 662 дона;
- апрель — 6 716 дона;
- май — 6 952 дона;
- июнь — 7 845 дона.
