Американинг North American Blue Energy Partners компанияси Венесуэлада илгари Россия ва Хитой компаниялари бошқарган қатор нефть конлари устидан назоратни қўлга киритади.
Американинг North American Blue Energy Partners (NABEP) компанияси Венесуэладаги бир қатор нефть конларини бошқариш ҳуқуқини олади. Ушбу конларда аввал бир нечта Хитой ва битта Россия компанияси фаолият юритган.
Маълум қилинишича, NABEP Венесуэлада нефть қазиб олиш бўйича жами 14 та шартномани қўлга киритади ва конларнинг оператив бошқарувини амалга оширади.
Келишувга кўра, АҚШ ҳукумати компанияда 35 фоиз улушга эга бўлади. Шунингдек, Вашингтон қазиб олинадиган нефтьнинг 20 фоизини таннарх бўйича устувор тарзда сотиб олиш ҳуқуқини қўлга киритади.
Бу келишув АҚШнинг Венесуэла нефть саноатидаги иштирокини янада кенгайтириши кутилмоқда.
