Бугун, 22 май куни кучли ёмғир ёғиши оқибатида «Қамчиқ» довонида ҳаракат вақтинча чекланди. Бу ҳақда Фавқулодда вазиятллар вазирлиги хабар берди.
Маълум қилинишича, соат 13:30 дан А-373 халқаро автомобиль йўлининг “Қамчиқ” довони қисмида кучли ёмғир ёғиши ортидан тоғдан лой ва тош аралаш сел сувлари тушиши кузатилган. Шу муносабат билан автомобиль йўлининг «Водий-Тошкент» йўналиши автомобиллар ҳаракати учун вақтинча ёпилган.
“Айни дақиқаларда ФВВ раҳбарлигида тегишли ташкилотларнинг мутахассислари томонидан вазият оқибатларини бартараф этилиб, автомобиллар ҳаракати амалга оширилмоқда”, дейилади хабарда.
