Тошкентда Matiz бир йил ичида 912 марта қоида бузган Matiz ҳайдовчисига 331 млн сўм жарима ҳисобланди. Бу ҳақда Мажбурий ижро бюроси хабар берди.
Аниқланишича, қарздор фуқарога тегишли Matiz русумли автотранспорт воситаси билан 2024 йил апрель ойидан бугунги кунга қадар йўл ҳаракати қоидалари қўпол равишда ва мунтазам бузиб келинган. Оқибатда жами 912 та маъмурий жарима расмийлаштирилиб, 311 миллион сўмдан ортиқ қарздорлик юзага келган. Қарздорлик йиғилиб борган ва автомашина қидирувга берилган.
Олиб борилган тезкор қидирув ва мажбурий ижро ҳаракатлари натижасида ушбу Matiz русумли автомашина топилиб, кеча, 15 май куни жарима майдонига жойлаштирилган.
