Марокаш терма жамоаси ва “ПСЖ” клуби ҳимоячиси Ашраф Ҳакими зўрлаш иши бўйича суд олдида жавоб берадиган бўлди. Бу ҳақда Le Parisien нашри хабар берди. Суд мажлисининг аниқ санаси ҳозирча белгиланмаган.
Нантернинг прокуратураси футболчига нисбатан айбловни 2023 йилнинг март ойида эълон қилган эди. Уни 24 ёшли қизни зўрлаганликда айблашмоқда. Маълумотларга кўра, прокуратура Ҳакимига 15 йилгача озодликдан маҳрум қилиш жазосини талаб қилмоқда.
Ҳакими ўзининг ижтимоий тармоқлардаги саҳифасида барча айбловларни рад этди:
“Барча далиллар айбловнинг ёлғонлигини кўрсатса-да, суд бўлиб ўтиши учун фақатгина зўрлаш айблови етарли бўлмоқда. Мен бу судни хотиржам кутаман, у ҳақиқат қарор топишига имкон беради”, деб ёзди футболчи.
Маълумот учун, 27 ёшли Ҳакими фаолияти давомида “Реал Мадрид”, “Боруссия Д” ва “Интер” каби клубларда ўйнаб, кўплаб совринларни ютган. Марокаш терма жамоаси билан 2022 йилги ЖЧда ярим финалга чиққан, 2024 йилги Олимпиадада бронза ва 2025 йилги Африка Миллатлар Кубогида кумуш медалларни қўлга киритган.
