Бухорода дастлабки жигар кўчириб ўтказиш амалиёти муваффақиятли бажарилди. Бу ҳақда Соғлиқни сақлаш вазирлиги хабар қилди.
Қайд этилишича, Олот туманида яшовчи Воҳиджон Назаров бир неча йиллардан буён жигар циррозидан азият чекиб келган. Фуқарога Республика шошилинч тиббий ёрдам илмий марказининг Бухоро вилояти филиали томонидан операция ўтказиш бўйича таклиф берилган.
Шундан сўнг, жигар трансплантациясини шу филиалнинг ўзида бажарилишига белгиланган ва фуқарога донор сифатида турмуш ўртоғи танланган.
Миллий тиббиёт маркази трансплантологи Жасур Собиров ҳамда хорижлик шифокор Сомон Некиҳболиён томонидан бухоролик жарроҳлар иштирокида бажарилган амалиёт қарийб 10 соат давом этди.
Ҳозирги пайтда бемор ва донорнинг аҳволи қониқарли экани, уларга зарур муолажалар давом эттирилаётгани маълум қилинди.
