Наманган вилоятида икки қизни фоҳишалик билан шуғулланиш учун Туркияга юбормоқчи бўлган икки аёл ушланди. Бу ҳақда ДХХ хабар берди.
Давлатобод туманида яшовчи 1990 ва 1993 йилларда туғилган икки аёл маҳаллий икки қизнинг ишончига кирган. Улар қизларни Туркиянинг Анталя шаҳрига фоҳишалик билан шуғулланиш учун юбориб, у ерда топадиган даромадларининг ярмини ўзлаштиришни режалаштирган.
Аёллар қизларни Тошкент—Анталя йўналиши орқали хорижга жўнатиш учун пойтахт аэропортига олиб кетаётган вақтда Чуст тумани ҳудудида тўхтатиб қолинган.
1990 йилда туғилган аёл аввал ҳам шу турдаги жиноятни содир этгани учун судланган.
Ҳозирда икки аёлга нисбатан жиноят иши қўзғатилиб, тергов ҳаракатлари олиб борилмоқда.
