Лондон шаҳри осмонида HBO компаниясининг “Аждарлар уйи” (House of the Dragon) сериали учинчи мавсумини тарғиб қилиш доирасида механик Сиракс аждарҳоси учирилди. Бу ҳақда “Verge Magazine” хабар берди.
Маълум қилинишича, улкан механик Сиракс модели Темза дарёси устида олдиндан режалаштирилган учта парвозни амалга оширган. У Лондон Тауэри атрофида айланиб учган, сўнгра қалъа ҳудуди томон пастлаб келиб, томошабинларда катта қизиқиш уйғотган.
Механик аждарҳо Германиянинг ҳаво анимациясига ихтисослашган Airstage компанияси мутахассислари томонидан яратилган. Унинг оғирлиги 13 килограмм бўлиб, уч ой давомида углерод толаси ва алюминийдан тайёрланган каркас асосида ясалган.
Сиракс модели сериалда Рейнира Таргариен миниб учган аждарҳонинг деярли аниқ нусхаси ҳисобланади. Уни яратишда тасвирга олиш жараёнида олинган 3D-сканер маълумотларидан фойдаланилган.
Аждарҳонинг қанотлари ёйилганда 8 метрга етади. Унинг боши, бўйни ва думи тўлиқ ҳаракатланади, конструкциясида 23 дан ортиқ ҳаракатланувчи механик қисм мавжуд. Механик аждарҳо соатига 35 километргача тезликда уча олади.
Мазкур акция “Аждарлар уйи” сериали учинчи мавсумининг Буюк Британия ва Ирландияда HBO Max платформасида 22 июнь куни бўлиб ўтган премьераси муносабати билан ташкил этилган.
Жорж Р. Р. Мартиннинг “Олов ва қон” романи асосида суратга олинган сериал Таргариенлар сулоласи тарихи ҳақида ҳикоя қилади ва “Тахтлар ўйини” воқеаларидан қарийб 200 йил аввалги даврни қамраб
