Украина президенти Владимир Зеленский амалий ташриф билан Озарбайжонга борди ва мамлакат президенти Илҳом Алиев билан учрашди. Бу ҳақда “Meduza” хабар берди.
Озарбайжон президентининг расмий сайтида маълум қилинишича, учрашув Габала шаҳрида ўтган. Алиев учрашувдан суратларни эълон қилган. Зеленский эса Озарбайжон етакчиси билан муҳим музокаралар ўтказганини ёзди.
“Ўзаро ҳурмат ва ҳамкорлик — бу икки халқни ҳам кучайтиради”, дея қўшимча қилди у.
Бу Владимир Зеленскийнинг Россия билан 2022 йилда бошланган урушдан сўнг илк бор Озарбайжонга бориши ҳисобланади. Унинг энг сўнгги ташрифи 2019 йил 16–17 декабрь кунлари амалга оширилган эди.
