Фарғона вилоятининг Қувасой шаҳрида кучли таъсир қилувчи дори воситаларини савдога киритилишининг олди олинди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Қайд этилишича, департаментнинг Қувасой шаҳри бўлими, ДХХ ва ИИБ ходимлари ҳамкорлигида ўтказилган тезкор тадбирда номаълум шахслар қўшни Қирғиз Республикаси билан чегара ҳудудидаги “Гулпиён” МФЙ ҳудудидан оқиб ўтувчи темир сув қувури орқали кучли таъсир қилувчи дори воситаларини олиб ўтгани аниқланиб, тадбир давомида ҳар бир 10 мл.г флакондан бўлган 233 дона “Тропикамид” номли кучли таъсир қилувчи дори воситалари ашёвий далил сифатида олинган.
Мазкур ҳолат юзасидан Жиноят кодексининг 246-моддаси (контрабанда) ва 251-1-моддаси (гиёҳвандлик воситалари, уларнинг аналоглари ёки психотроп моддалар ҳисобланмайдиган кучли таъсир қилувчи моддаларни тарғиб қилувчи маҳсулотни тайёрлаш, тарқатиш, реклама қилиш, намойиш этиш ёки бундай моддаларни ёхуд заҳарли моддаларни қонунга хилоф равишда муомалага киритиш) билан жиноят иши қўзғатилиб, тергов ҳаракатлари бошланган.
