Ўзбекистон миллий терма жамоаси бош мураббийи Фабио Каннаваро Италияда реабилитация жараёнини ўтаётган футболчилар — Жалолиддин Машарипов ҳамда Ҳусниддин Алиқулов билан учрашди. Бу ҳақда Ўзбекистон футбол ассоциацияси хабар берди.
“Бош мураббий футболчиларнинг тикланиш жараёни билан яқиндан танишиб, уларга тезроқ сафга қайтиш тилагини билдирди”, дейилади ЎФА хабарида.
Маълумот учун, Жалолиддин Машарипов жароҳати сабаб узоқ муддат Эроннинг “Истиқлол” клуби ҳамда Ўзбекистон миллий терма жамоаси ўйинларида иштирок эта олмаганди. У 2026 йил 1 январь куни Эрон Про лигаси доирасида “Сепаҳон”га қарши баҳснинг а73-дақиқасида майдонга туширилган ва 90-дақиқада яна алмаштирилганди. Маълум бўлишича, Машариповда аввалги жароҳат қайталаниши кузатилган ва 32 ёшли футболчи 31 январь куни операция қилинган.
Туркиянинг “Ризеспор” клуби ҳимоячиси Ҳусниддин Алиқулов эса 2026 йил 19 январь куни “Гёзтепе”га қарши Туркия Супер лигаси доирасидаги ўйинда чап тиззасидан жароҳат олган ва 9 февраль куни Рим шаҳрида жарроҳлик амалиётини ўтказган.
