2009 йилда экранларга чиққан “Уч савдойи” фильми шунчаки кино бўлиб қолмай, ҳақиқий ҳодисага айланди. Четан Бҳагат романи асосидаги дўстлик, илмга интилиш ва таълим тизимига қарши кураш ҳақидаги бу ҳикоя ўзининг самимийлиги, ҳазил-мутойибаси ва теран маъноси билан томошабинлар қалбини забт этди.
Амир Хон ижросидаги даҳо ва ўзига хос Ранчо образи Болливуд тарихидаги энг ёрқин ва унутилмас қаҳрамонлардан бири сифатида хотираларда абадий муҳрланди. Бош қаҳрамонлар ўртасидаги уйғунлик, уларнинг чексиз кулгиси ва таъсирли лаҳзалари — буларнинг барчаси томошабинлар қалбида ҳамон яшаб келаётган бетакрор муҳитни яратди.
Маълумотлар кўра, Амир Хоннинг ўзи фильмнинг давоми устида ишлашни бошлаб юборган. Ранчонинг содиқ дўстлари — Р. Мадҳаван ва Шарман Жоши ҳам ўз ролларига қайтади.
Манбаларга кўра, воқеалар ривожида сезиларли вақт оралиғи ташлаб ўтилади, бу эса қаҳрамонларни бутунлай янги муҳитда ва ҳаётларининг янги бир босқичида кўриш имконини беради. Воқеаларнинг аниқ хронологияси ҳозирча қатъий сир сақланмоқда — фильмнинг барча тафсилотларидан фақат Аамир Хоннинг ўзи хабардор.
Самимий ва теран мазмунли фильмлар яратиш устаси, режиссёр Ражкумар Ҳиранининг қайтиши ҳам фильмни асл нусхасидан кам бўлмаган даражада таъсирли бўлишини таъминлайди. Унинг ҳазил-мутойибани чуқур ижтимоий мавзулар билан уйғунлаштира олиш қобилияти “Уч савдойи” фильмини шунчалик ўзига хос қилган эди.
“Уч савдойи” — нафақат Ҳиндистон ҳити, балки халқаро феномендир. Фильм бутун дунё томошабинларининг қалбидан жой олди, айниқса, Хитойда улкан шуҳрат қозонди. Уни кўпинча култ даражасидаги фильм деб аташади ва бу бежиз эмас. Бу — илҳомлантирадиган, ўйга толдирадиган ва энг муҳими, ўзингизга ва дўстларингизга ишонишга ундайдиган фильмдир.
Гарчи фильмни экранларга чиқиш санаси ва актёрларнинг тўлиқ таркиби ҳақида ҳозирча расмий баёнотлар бўлмаса-да, бир нарса аниқ: Болливуд мухлислари фильмни интизорлик билан кутмоқда.
